PROMOCIJA KNJIGE – TRAGom Mirka Jakovljevića
U znak pijeteta i sjećanja na prof dr Mirka Jakovljevića, univerzitetskog profesora, publiciste i dugogodišnjeg novinara koji je prerano preminuo, u izdanju časopisa Komun@ nedavno je izašla iz štampe knjiga „TRAGom Mirka Jakovljevića“ koja će biti promovisana u ponedjeljak 11.marta 2024.godine u 19 sati u Multumedijalnoj sali KIC-a ,,Budo Tomović” u Podgorici.
Na promociji će govoriti : Dragan Mitov Đurović, Azra Hrapović, Zoran Bošković i Amer Ramusović, a medijator će biti Gordan K. Čampar.
Inače, izdavač knjige časopis Komun@ u ime uspomena koje krase jedno vrijeme i zajednički prostor duha, svjetonazora i vrijednosti, odlučio je da posveti ovu knjigu zajedno sa tridesetak prijatelja iz Crne Gore, Srbije i BIH koji su po različitim osnovama družili sa njim, posvetivši mu knjigu u ime stvaralačkih i ljudskih tragova čiji sveukupni trag u novim oblicima sjećanja zaslužuje i novo trajanje i traganje za njegovim stvaralačkim opusom.
Izdavanje knjige posvećene kolegi Jakovljeviću časopis Komun@ je želio osnažiti civilizacijski odnos prema kulturi sjećanja sa kojom se iznova traje i živi u novim oblicima ljudske i kulturološke baštine.
Jakovljević je ostavio za sobom impozantno djelo. Crna Gora pamtiće ga kao vrsnog profesionalca, publicistu, novinara i urednika, ali prije svega kao velikog, čovjeka, timskog radnika, druga i prijatelja, strpljivog kolegu, kao profesora komunikologije i novinara pored kojeg su stasavale mnoge generacije.